Permisjonsprosjekt

Då graviditeten vart offentleg tok det nesten av på ulike frontar, då var alle svært så produktive og skulle strikke og sy og både det eine og det andre. Det har vi verkeleg fått nytt godt av, og vi ventar i spenning på å ta det alt i bruk når tida er inne for det. Men som vordande mamma har eg kjent at eg nesten burde produsere litt sjølv og, så eg har prøvd meg på nokre små prosjekter. 

Samstundes er eg nok av den praktiske typen som helst vil sjå at ting gjer nytte for seg. Det var kanskje grunnen til at jakka eg tok til å strikke på for ei god stund sidan, framleis manglar armar. Vi har jo så mange allereie! 

Men la meg no presentere det første ferdigstilte prosjektet, heile 4 dagar før termin: ammepute!

Ammepute virka som eit enkelt prosjekt. Dei ein finn i butikkane er stort sett dyre og svært kjedelege, nokre av dei dristige utgaver er kanskje stripete... Eg sette i gang, teikna litt og kjøpte stoff på panduro. Brunt med prikkar på baksida og friske fargar, litt mønster og dyr på framsida. Fornøyd med det! Men så var det å få fylt den, helst med isoporkuler. Då måtte praktiske, sparsommelege meg igjen tenke nytt då desse kosta meir enn ei ny ammepute i seg sjølv. Då bar det sjølvsagt på finn.no for å kjøpe ei brukt ammepute å putte inni. Billig og enkelt. Tipp topp!

No ligg ammeputa i sofaen klar til bruk, og no kan eg enkelt sy nokre nye trekk om eg føler for forandring med tida. Minien inni magen ser ut derimot ut til å la vente på seg, men ventinga er kanskje litt av sjarmen....?

Morgonkaffi

No er eg i gang med pemisjonsvekene fram mot termin. Det er svært rart å stå opp frisk og rask kvar morgon og ikkje skulle arbeide, berre fordi nokon har sett ei grense på tre veker. Eg har full forståing for at mykje arbeid ikkje er spesielt behageleg eller bra for høggravide, men likevel kunne eg gjerne ha arbeidd ei stund til. Men eg må uansett innrømme at eg nyt dagane. Mykje rart som tidlegare ikkje har blitt prioritert har eg no god tid til å kose meg med!

Morgonkaffien har eg sjeldan kost meg meg slik som no. Eg held meg til koffeinfri kaffi, men det kan vere vanskeleg å finne variantar som er like gode som koffeinhaldig kaffi. Men tirsdag kjøpte eg ein på Smak og Behag. Espressobrent hadde dei ikkje, men den eine typen dei hadde måtte eg no prøve i mangel på anna. Espresonmaskina får altså kvilt seg på morgonen ein periode, då eg likevel for nokre veker sidan gjekk til innkjøp av Aeropress.  

Aeropressen lagar utruleg god kaffi og har blitt flittig brukt. Den er også svært reinsleg, praktosk på tur og perfekt om ein skal lage 1-2 koppar, stort sett den mengda vi lagar her i huset når det er kaffitid. Då eg i dag skulle lage meg morgonkaffi var det kaffien frå Smak og Behag som skulle til pers. På Den late ku fann eg riktig malingsgrad for Aeropresskaffi og nokre gode tips. Vel måla eg ikkje opp bønner og vatn i gram, men kaffien vartb nydeleg. På same bloggen finn du også ein spennande artikkel om Aeropress om du er nysgjerrig.

Trur dagens morgonkaffi er den beste koffeinfrie kaffien eg har smakt!

Berre god smak og ingen bitterhet!

Sommar, kjærleik og forventning

Sia førre innlegg har også eg hatt ferie. Deilige dagar, nokre slappe og andre hektiske, har forsvunne som ein vind. Først for eit par veker i Bergen med min herlege og småkaotiske familie der, telttur og vennetid med gode, gamle kjende, og deretter familietid på Rognan med favorittfamilien der, før ein aldri så liten hyttetur. SÅ mange koselege og gode stunder... 

Fiskelukke på hyttetur

Men arbeidet kalla oss tilbake til Bodø att, Ole Ragnar til sin nye arbeidsplass medan eg tok fatt på dei siste dagane før permisjonstida tar til. Men kvardagen er også herleg og mandag kom supermannen heim med ein nydeleg rosebukett. Same kveld inviterte han likegodt ut på middag. To års bryllupsdagen vart feira med eit ubeskrivelig godt måltid på Smak. Vi vart servert både and, kveite, lam, blåskjelsuppe, diverse mellomrettar, dessert og ein nydeleg jusmeny til! 

Nydelege roser frå verdens beste venn og mann!

Men om sommaren har vore aldri så herleg og bryllupsdagen vart feira på aller beste måte er det ikkje tvil om at sommarens høgdepunkt enno lar vente på seg. Minien inni magen er ikkje så liten lenger og krev stadig meir plass der inne. Svigermor strikkar, eg ryddar plass til den vesle og omorganiserer i leiligheita, og Ole Ragnar syng god natt-sangar og les om babyar, ja her er alle er i sving! Vi gleder oss til å møte den vesle krabaten, berre tre veker igjen no....

Sommarhelg

Fleire og fleire tar ferie rundt meg. Til og med min kjære mann har fått fri. Eg prøver så godt eg kan å være flink å gjere det eg skal. Det er ikkje berre enkelt, spesielt på solskinnsdagar som i dag, men eg veit at det er ikke mange veker igjen til også eg kan legge bort alt arbeid med god samvittigheit og berre slappe av og kose meg. No skal det seiast at eg har ein fleksibel jobb og at eg i stor grad styrer dagane sjølv, men likevel må ting gjerast...

Men i helga smaka eg på ferielivet. Laurdag for vi til Dversetvatn, finaste plassen på jord som Ole Ragnar seier. Eg har ikkje like mange sterke minner derifrå som det han har, men eg må likevel sei meg ganske enig. Det er ein nydeleg plass, den gamle fjellhytta ved vatnet der....

Når ein kjem opp hit legg ein bort alt anna som måtte henge over ein. Her er det heller ikkje mobildekning. Digg...

Den nye fiskestanga til Ole Ragnar vart testa ut for første gong og jammen beit det på ein fin fisk!

Medan pølsene sto på spidd over bålet vart hytteboka signert. Den herlege hytta i bakgrunnen.

Satsar på fleire turar opp hit, både før og etter den vesle minien vår er født. Ikkje lenge igjen no, og eg veit om nokon som gler seg til å ta han med på hytta!

Kveldssnacks

Etter ein våt kveld på sandvolleyballbana med ein ivrig jentegjeng var det godt å komme heim i ei varm stove. Eg kom også akkurat i tide til å få med meg Brann trekke det lengste strået i straffesparkkonkurransen mot Sogndal, og dermed avansere til kvartfinale i cupen. Derette bar det i dusjen for å spyle av seg svette og sand. Då eg endeleg var passe fresh att hadde Ole Ragnar diska opp med eit herleg kveldsmåltid. Han er rett og slett ein skikkeleg skapgourmet! Mmmm....

Siste veka har vi vore på reisefot, på oppdrag for Universitetet i Nordland i forbindelse med eit kartleggingsprosjekt av fysisk helse i den norske befolkninga. Etter mykje farting, overnattingar på hotell, i rorbu, campinghytte, og litt teltliv er det godt å komme heim igjen. Herleg å slappe av i sofakroken med eit slikt godt og ikkje minst sunnt måltid (etter siste vekas folkehelsefokus).

Mmm, sveler...

Siste tida har vore svært travel. Ulike prosjekter på arbeid har krevd mykje tid og hodebry, og semesteroppgåva har blitt skreve i ein fei. Midt i dette har det også blitt heimreisetur i anledning mamma sin 60 årsdag og bryllup på Hamar. Men kvalitetstid med familie og litt jobbing innimellom lot seg kombinera fint. Dog vart det ikkje så mykje tid til vener som eg hadde ynskt, men ein kan vel ikkej få til alt på ein gong heller.

Vi er tilbake i Bodø og framleis er kvaldagen hektisk både med arbeid og eksamenslesing. Oppi alt dette har eg latt meg engasjere i dugnadskomité til eit svært arrangement i Bodø Spektrum neste helg. Her skal vi lage mat til og drive kafé for 800 seniorar på seniordanstreff! Eg tok på meg produksjonsansvaret og foreslo mellom anna å steike sveler som vi kunne selge. Dette meinte dei andre var ein flott idé og i dag sette eg i gang og laga smaksprøvar til kveldens planleggingsmøte. Eg laga likegodt ein ekstra stor porsjon med røre, slik at eg skulle ha eit lite lager i frysaren til arrangementet.

På møtet vart det kjempestemning, svelene forsvann og godorda strøymde på. Likevel vart det bestemt at det ikkje blir sveler, då det ikkje er bra nok straumforhold i lokala til å bruke takker. Takke meg til! Så no har eg mengder med svelerøre her. Og kva gjer eg med den? 

   

Kanskje det blir svelefest i Framlia 12 til helga?

Pudder.....

Slepte med meg min kjære mann ut på tur i dag. Veret var skiftande, men vi fekk små solgløtt innimellom! Turen oppover var dryg, snømengdene var store og Ole Ragnar trokka spor for konemor som labba etter.

Men etter mange tunge steg nådde vi målet. Fornøgde roa vi ned med lunsj på toppen. Innpakka kvar si dunjakke, men i felles vindsekk fekk vi ny energi og var etter kvart klare for litt deilig skikøyring!

Ikkje ofte ein kan sei at det er for mykje snø eller at ein har for smale ski, men om ein skal driste seg til noko slikt var i dag dagen. Men pudder opp til magen er moro uansett!

Berre den blå himmelen som mangla....

Ole Ragnar hadde eit fall i dag som må nevnast. Det var då han heldt på å køyre ned ei rype. Ho flaksa seg avgårde i tide, men Ole Ragnar vart så paff at han vart heilt sett ut av spel, hehe! Like etterpå såg vi ei til under ein liten busk. Stilig!

Gud med god humor...

I dag hadde eg ei oppleving av Guds overblikk og gode humor. Det heile starta mandag kveld då vi kom heim frå langhelg i hovedstaden. Eg fann ikkje nøklane mine då eg kom heim, men det er ikkje anna enn normalt innimellom. Difor har eg ikkje tatt meg bryet med å leite noko ssærleg før i dag. 

I kveld skulle eg ha volleyball med ei ny barnegruppe, og plutseleg sto eg utan nøklar til gymsalen. Argh... Eg var komt fram til at eg kanskje måtte bite i det sure eplet og ringe rektor og innrømme at eg er eit rotehovud når det gjeld nøklar og småting. Men stolt som eg er var det ikkje spesielt fristande....

Eg vasa rundt i huset, tøymde vesker og endevendte skuffer og kom plutseleg til å tenka på bibelverset "be så skal du få, leita så skal du finna...". Vart oppmerksam på rekkefølga her, be først, deretter kan du leite. Så eg sette meg ned og ba og fekk det veldig sterkt for meg at det var på tide å tømme alle bagar og anna som sto halvfulle etter dei mange utfluktene både sørover og nordover siste tida. Eg sette i gang og tok for meg alt eg fann, la saman kvar ei t skjorte, tømde alle lommer og la alt på sin rette plass. 

Etter kvart såg det beint fram ryddig ut! Eg hadde tømt alt og brukt mykje tid på dette, men ikkje funne nøklane. Så eg var oppgitt for all den jobben som var "bortkasta" ut i frå kva målet var. Så eg tok siste bagen og bar den ut i boden. Men då eg skule putte den inn i hylla kjende eg nøklane i den vesle innerlomma eg hadde oversett. Dette var den siste bagen som var tømt, og det var einaste lomma som ikkje var sjekka i alt av vesker/bagar/sekkar i heile huset. 

Eg trur Gud hadde ein plan. Eg trur han meinte det var på tide å få rydda opp i rotet. Og var det dette som skulle til så var det absolutt ikkje dumt! Og tenk så mykje betre det blir å gå helga i møte i eit ryddig hus. I ettertid må eg sei at han har no jammen god humor og.

Heimekontor

Etter ei flott helg med strålande sol i Narvikfjellet, ski på beina og mange gamle og nye KRIKvenner frå Bodø, Narvik og Tromsø kom kvardagen tilbake med eit brak. På ein mandag morgon må ein igjen gjera ein innsats på kontoret.....

Det var tomt for brød både i skapet og i frysaren då vi kom heim i går kveld. Dagens arbeidsøkt vart difor kombinert med litt baking. Men då gjæren var frykteleg treg i dag trudde eg den var øydelagd og laga ei ny gjærblanding. Men då vart det jammen fart på den første blandinga óg og eg stod med dobbel dose. Då måtte det bakast meir.

Litt tid har dett gått med til utbaking, men utan om det har det mest lukta godt på kontoret. Til lunsj vart det nybakte bollar. Ei lita kringle er lagt i frysaren til ein passande anledning. Om nokon vil komme på besøk ein dag kan den alltids tinast opp att.

Frisk luft

I denne voldsomme VM-tida brukar sikkert dei fleste meir tid framfor tv skjermen enn vanleg. Det gjeld også meg. Men eg kjenner også at å sjå på spreke skiheltar og heltinner dagen lang, ikkje gjer meg sprekare. Då veret også i Bodø har vore flott dei siste dagane har eg heldigvis klart å komma meg ut litt mellom alle renna, medaljeseremoniane, reprisane og dei sutrete svenskane. Det er jammen godt å slå av tvskjermen, som Silje sa i kveld.... 

I går tjuvsmaka eg på påskestemninga. Ski på beina, eit par plussgrader og appelsin i solveggen ved ein gapahuk i lysløypa gjorde godt både for kropp og sjel. I dag var det middagen som vart nytt ute. I godt lag vart pølsene grilla på bålet, pynta med potetsalat og pakka inn i lomper. Det vart ein nydeleg slutt på VM tida og ei god avrunding på helga. No står ei ny veke å ventar, med nye utfordringar og plikter, men også full av muligheiter!

Kveldsblogg

Klokka tikkar mot midnatt og eg kjenner at eg er på overtid og skulle vore i seng for lenge sidan. Men eg held meg vaken ein liten halv time til... Strengt tatt kunne eg lagt meg for lenge sidan. Resten av huset har sagt god natt, men eg sit no her enno og tenker over livets store og små kvardagsgleder.

Er på besøk hos storesøster, saman med mine kjære foreldre som har vinterferie og er komen på besøk frå bergen. I den anledning har dei to små luringane som bur her i huset fått barnehagefri. Sjølv har eg arbeidd litt innimellom, men når mamma er på besøk er det nokre ting som er obligatorisk: Gomp til barna, gåver og vafler til lunsj. Det seier seg sjølv at stemninga her i huset altså har vore stor i dag. Når det i tillegg vart servert raspeballar til middag var det nok av energi å ta av i skibakken utpå kvelden! Dei to minste deltok i cuprenn med startnummer og greier, medan nokre av dei vaksne(i alder) nøya seg med nokre rundar i hoppbakken, og andre var nøgd med varm saft og god underhaldning.

Det er herleg å ha familie som ein kan slappe av i lag med, leike og kose seg med, lage støy og leven saman med og fryse på tærne i lag med. Lag deg nokre vafler på ein mandag, kos deg og inviter litt familie eller gode vener på besøk. Nyt tida i godt lag. Det gjer godt i både kropp og sjel!

Tirsdagsboller

I dag var første kveld på veldig lenge at verken eg eller min kjære hadde ettermiddagsplanar. Då vi heller ikkje har bil for tida vart det heime- og innekveld. Litt ekstra kos til kveldsmaten var heilt på sin plass.

Ekte bergenske skillingsbollar smaka godt og i Bodø! 

Kjære mamma

Gratulerer med morsdagen din i dag!



Ei lita blomsterhelsing frå meg til deg, ein bukett kvitveis som er favoritten din. Enno gøymer den seg ei stund til før den dukkar opp i skogen, men tida går fort og snart er den her!

Skulle gjerne vore heime og feira deg i dag, men det får vi ta igjen. Det treng ikkje vere morsdag for at du skal feirast!

Klem!

En dag på jobben

Snart er oppholdet mitt her nord over. I morgon snur eg nasen sørover igjen. Det blir godt! Men eg har jammen mange fine opplevingar med meg heim også! Nokre små glimt under.

Minstemann kun 5 år, kast ball over nettet i ein god halv time og glisa og lo minst like lenge!

Sjekk stilen!! Utruleg bra =)

Ein liten gymsal er meir enn stor nok!

Dagens utfordring var minivolleyball med innføringsklasse i alderen 9-14 år, med eit begrensa norsk språk, men eit enormt konkurranseinstinkt! I kveld står langnetturnering i Hammerfest for tur. Det blir spennande å sjå kor mange som dukkar opp!

Ha ein fin dag!

TIlbake i Finnmark

Ei ny arbeidsveke i Finnmark er i gang. Reisa nordover gjekk ikkje heilt etter planen, men det gjer heller ikkje mange flyreiser nord for polarsirkelen i vintersesongen. Men etter ein strabasiøs tur der ikkje få bøner vart sendt oppover, var eg ein time over midnatt innlosjert på min vesle studenthybel. Her er det triveleg, men enkelt! Eg deler også bad med ei jente eg enno ikkje har møtt, men eg veit ho likar å svømme då det hang ei badedrakt og badehette til tørk på badet i går kveld.

I dag har eg vore på skulebesøk på Aronnes barneskule. Saman med 4. klasse der var det høg stemning og mange ballar i lufta! Utruleg kor god stemning det kan bli av litt minivolleyball og ein ivrig gjeng med 10åringar! Det burde fleire få med seg!

No går turen straks vidare til Kvalsund som eg meiner å ha nevnt tidlegare i bloggen. Dette er ein skikkeleg ingenmannsstad, men likevel spirer og gror det i det ferske volleyballmiljøet der. I løpet av veka håpar eg at gjengen der er registrert, noko dei også sjølv vil. Utfordringa er å få med dei vaksne som støttespelarar til dei unge.

Kvalsund kommune er stor, men tettstaden kvalsund bitteliten. På søk etter kart over Kvalsund kom det stort sett opp scooterløypekart.

Fleire oppdateringar kjem det nok om ikkje altfor lenge. Kan avslutte med ein vérrapport. Alta har i dag vist seg frå ei strålande side, men snø, sol(!!) og vindstille. det er nydeleg vinter her, ikkje Bodøvinter, men vinter slik vinter skal vere. Endeleg kjem dunjakka og vinterskoa til sin rett!

Ha ein fin dag!