Vår

Siste dagane har vi fått kjenne eit snev av våren som nærmar seg. Sola har stått høgt og lenge på himmelen og den har varma godt. Vårteikna kjem sakte med sikkert til syne i hagen også.

Desse nydelege blå blomstrane spirer både her og der langs husveggen.
Men kan nokon svare meg på kva type blomstrar det er??? 

Men desse kjenner vi til! I haust planta Ole Ragnar tulipanløkar i hagen og no kikkar dei fram.
Vi har vore ein smule spent på om dei skulle overleve vinteren her, så dette var kjekt å sjå!

Vi har prøvd å utnytte godveret til fulle, trass travle dagar.

Då første eksamen var unnagjort fyrte vi opp grillen utanfor stovevindauget, slengte oss på eit teppe på plenen og nytte herleg grillmat. Årets første!!!!

Nydeleg torsdagsmiddag i hagen! 

Fleire godbitar på grillen. Mmm...

 Heile to dagar varte våren i denne omgang. Då vart det tid til grilling hos Gunnar og Anne Line også.
Det var godt vi nytte sjansen, for i dag har det snøa igjen...
Kom vår!

Elisabeth

Eksamenstid

Fantastisk kor mange måtar ein kan forberede seg til eksamen på!
Om alt er like fruktbart i forhold til eksamensresultatet vil tida vise,
men det er godt å leve i nuet i blandt og ikkje ta bekymringar på forskudd. 

Det vart i det minste ein ekstra god lunsj...

Elisabeth

Idylliske Træna

Det vart ei helg i godt lag og i nydelege omgivnader då Silje og eg besøkte Træna for ei veke sidan. Som ledarar på konfirmantleir og representantar frå KRIK fekk vi laurdag vere med på utflukt til Sanna, den karakteristiske øya mange forbinder med Træna. Vi fekk vera med på topptur og grotting, grilling, leik og moro. Det vart også tid til nokre gode samtalar og ikkje minst for å nyte den vakre og ville naturen.

For eit skaparverk! 

Når eg ser din himmel, 

eit verk av dine fingrar, 

månen og stjernene som du har sett der, 

kva er då eit menneske sidan du kjem det i hug, 

eit menneskebarn sidan du tek deg av det?
(frå salme 8)

 

Nydelege Sanna med Gompen i bakgrunnen.

Utsikt frå Gompen, Lovund som ei finne i havskorpa.
Den blå himmelen fekk godt med plass på bildet, det er ikkje kvar dag den ser slik ut...

Ei verkeleg idyllisk øy med heile tre fastbuande...

Elisabeth

For ein dag!

I går vart eg 25 år. Du vil kanskje tru at eg no skal beskrive mine blanda kjensler knytt til det å være halvvegs til 50. Om kor fort dagane går og kor mykje eg ikkje får gjort før tida tar meg! Men då må eg skuffe deg. For eg kan ikkje anna enn å sei: "for ein herleg dag!"

Eg unna meg først og fremst ein fridag frå skule og lesing. Og ein roleg og god dag i godt lag vart det. Etter overveldande gåveoverrekking på sengekanten kunne eg nyte ein lang frukost med min kjære. Litt hekling i sofakroken vart så prioritert før eg besøkte frisørsalongen og fekk litt stell der. Det skulle ikkje så mykje til for å kjenne seg litt freshare...

Litt utpå dagen kom Kristin, Jonny, Hanna og Aurora på besøk. Ole Ragnar diska opp med nydelig kyllinggryte slik berre han kan lage den, og både store og små nytte vi maten mens vi prata og kosa oss! Sånt koseleg besøk er i seg sjølv nok for å lyse opp dagen, men jentene hadde også med seg gåver til tante. Tante har aldri lagt sjul på at ho elskar overraskingar, så det var utruleg kjekt!

Desse nydelige Green Garden espressokoppane fekk eg av Hanna, perfekt sidan vi hadde to eggeglas i same serie frå før!
  

Frå Aurora fekk eg denne nydelege vesle lysestaken frå Fru Dahl med lys til. Såå fin!
Duken under var også frå Hanna. 

Etter kvart kom også Silje og slutta seg til det festlege laget, akkurat i tide til andre servering. Espressomaskina redda dei kaffitørste. Attåt vart det servert fersk sjokoladekake,  heimelaga av beste sort(med fare for å skryte litt), med ein desj is til.  Mmm..

Fersk sjokoladekake. Framleis rå inni, akkurat som den skal vere!

Denne kom i posten på bursdagen! Eg har ønskt meg mariusgensar lenge og no har mamma strikka til meg. Det er litt av ein jobb og svært imponerande sidan dei er midt i ein hektisk flytteprosess...

Eg har selvfølgelig hatt den på meg i dag!
  
Godt å ha ein så fine minner, gåver og gensar og varme seg med når min kjære reiste sørover for å fiske i helga. I kveld var det plutseleg så stilt her, men det var ein fin muligheit til å dele litt av den herlege dagen min.

Elisabeth

Opptrening

I februar vart min yngste storebror Arne 30 år. I anledning den store dagen fekk han treningsklede av søsken, svigerinner, svogers og onkelbarn. Han fekk i tillegg til dette utfordring om å delta i årets Knarvikmila, i konkurranse mot alle dei overnevnte. Kvar stiller i passande klasse vel å merke. Blandt anna kan dei yngste stille i krabbe-konkurranse. Men om Arne tapar skal han passe heile ungeflokken ei helg. No har heile søskenflokken starta opptreninga, fleire har til og med trent ei god stund allereie. 

Eg er sist i syskenflokken og også ellers ofte sist, og jammen kom eg sist i gang med treninga også. Dei andre som alle har små born har nok meir å vinna i denne konkurransen enn eg, men også eg vil jo sjå brodern passe alle dei 8 små. Men i dag sparka eg i frå og drog med meg min mann på joggetur. No er også eg i gang. Pass på, folkens!

Elisabeth

Påskeferie

No er påskeferien for i år over. Det går så fort! Det er ikkje lenge sia vi var i Bergen sist, altså i juleferien, men no i påsken vart det ein ny tur. Det var ekstra kjekt å reisa heim denne gong. No skulle vi verkeleg heim, altså til Frekhaug. Det var første gong Ole Ragnar var i gamlehuset. Kjekt å visa fram barndomsheimen min! Enno var det ein god del att av flyttearbeid, oppussingsarbeid og utpakking, men det var utruleg kjekt å vera tilbake på gamle tomter!

Når vi var heime fekk vi mykje tid med familie, små og store, og gode vener. Vi fekk til og med spelt fotball på Fossemyra! Veret var derimot ikkje så mykje å skryte av. Men som Ole Ragnar sa det så fint, det betyr ikkje noko kva ver det er så lenge ein er i godt lag! Og det var vi verkeleg! Då vi kom nordover igjen fekk vi likevel tid til ein skikkeleg påsketur i strålande solskinn og med påskeegg frå mamma i sekken. Ein kan vel ikkje ynskja seg meir...

No er kvardagen her igjen. Ole Ragnar var på jobb i går og eg på skulen att i dag. Det er hardt å stå tidleg opp om morgonen igjen! Men kvardagen er ikkje verre enn at ein har tid til å kose seg litt innimellom. I går prøvde eg ut ei spanande oppskrift på mini-eplepaiar sidan vi fekk så mange epler frå svigermor her om dagen. Vi tjuvsmaka på dei i går, men også i ettermiddag har vi nytt baksten ved sida av ein deilig kaffe latté... Ute smeltar snøen og våren gjer sitt intog, -sakte, men sikkert! På sikt skal eplepaien nytast ute i hagen...

Ynskjer alle ein riktig fin vår! Vi går ei herleg tid i møte. Her følgjer nokre små glimt frå påsketuren vår.

På veg til Rundfjellet. Litt sliten, men veit at kvar meter gir fleire svingar under nedkjøringa!

To fine vinterkledde fjellryper vi møtte på veien oppover. Truleg glade for at jakta er over for i år...

På toppen! I bakgrunnen eit lite utvalg av fjella ein kan tilby i området her nord. For dei som likar slikt er det berre å komme på besøk!

Ein rolig kveld....

For å følge opp forrige innlegg kan eg starte meg å informere om at eg har eg fått jobb i PVS, Pedagogsk Vikarsentral, Bodø. Til no har det blitt to veker jobbing, men ikkje på skule slik eg hadde håpa på. Derimot har eg vore innom to barnehagar og til mi store overrasking var det utruleg kjekt, ja over all forventning rett og slett! Mange herlege ungar har eg fått leike med, lese for, akt med, trøysta litt og krangla med. Eg tar gjerne litt ekstra barnehagejobbing vidare framover våren, men håpar samstundes på at det også trengs lærarar snart...

I kveld sit eg ved kjøkkenbordet i Helskogveien 12. Eg har hatt ein skikkeleg kosekveld med Hanna og Aurora, ein kveld full av herjing, leik og sang, barne tv og nysteikte lappar til kvelds. No er begge småtrolla i seng, så vakre og fredlege ligg dei på kvar si pute. Når freden no har senka seg har eg rota fram Kristin sine interiørblad og laga meg ein liten kveldskaffi. Kristin har investert i kaffikvern, så i kveld vart smaken berre endå betre enn vanleg!

Jobb jobb jobb

Det er berre nokre få månader igjen til eg er ferdig utdanna faglærar i idrett. Den siste tida har eg vore på utkikk etter spanande stader å søke jobb, men det er langt mellom dei spennande stillingane. Eg har ikkje store forventningar i utgangspunktet, men berre det å få seg ein jobb blir eit stort steg vidare. Kor går veien vidare???? Spennande og litt skummelt......

Friske blomstrar

Denne triste vinteren i Bodø trengte litt oppfrisking. Fleire vakre blomstrar står no som små lyspunkt rundt i stova, vakkert og oppmuntrande!

Mandag kjøpte eg meg ein vakker liten persisk fiol eller Exacum Affine, ein nydeleg liten potteblomst. Håpar vi klarer å holde liv i den lenge!

I stovevinduet har vi plassert ein liten bukett rosa tulipanar, ved sidan av barnehagebilde av dei to småjentene "våre" her nord, Aurora og Hanna. Tre bukettar til prisen for to var vel verdt pengane. Då kunne eg gi vekk dei andre to, noko som nesten er like kjekt som å ha dei sjølv! :)

På eine høgtalaren vår står to kvte roser og lyser. Dette er dei to siste frå den nydelige buketten svigermor kom med forrige veke. Dei passer så godt inn under brudebilda på veggen :)

På peisen er orkidéen vår fremdeles i full blomst. Denne er eit kapittel for seg sjølv. Vi fekk den i forlovelsesgave av Silje for ganske nøyaktig eit år sidan. I sommar kom det nye blomstrar på den berre dagar før bryllupet, og den har blomsta med sin nydelege rosa farge sidan....

Veggen bak ovnen håpar vi å få ordna ganske snart også. Den er ikkje spesielt fin slik den står i dag, men med nye huseigarar i etg over skjer det masse både ute og inne om dagen så det er håp! Veldig trivelige folk som også skulle hatt ein blomst!

Mas på biblioteket

Mas på biblioteket er eit stort problem på høgskolen i Bodø. Er det tilfelle at studentar nord for polarsirkelen ikkje eig antenner? Når ein kjem inn på eit bibliotek, eller generelt i eit rom der det er heilt stilt, vil ein ikkje då tilpasse seg denne stillheita i respekt for den stillheita som allereie er der? Tidlegare har det vore fleire episodar der folk har utlevert seg sjølv gjennom telefonsamtalar på biblioteket, eg har overhøyrt eit foredrag om dei beste episodane av South Park, og eg har observert studentar komme ut frå lesesalen for å kjefte på folk som masar utanfor på biblioteket slik at ein høyrer det gjennom veggane og dørene. I dag, her sat vi fire studentar fordelt på tjue datamaskiner. Så kom det tre gutar traskande. Dei prata høgt, ein av dei sang og trallar medan dei andre lo. Alle vi fire som sat her i stillheit kikka opp, og eg må innrømme at eg, som dei andre tre, kasta irriterte blikk mot dei nykommarane. Vi sukka nok litt også, rista litt på hovudet og såg på kvarandre. Er det vanskeleg å skjønne slike signal? Det skal og seiast at vi ikkje prøva å kamuflere dei.

No sit det tre gutar og masar om utgåtte passord på studentprofilen, om nyhende på facebook og antal pålogga på fronter(2 stk for øyeblikket). Av oss fire som først sat her er vi berre to att. Dei andre fór....

Dette vart eit uttrykk for frustrasjon. No er eg ferdig med det. Greitt å kunne legga av seg irritasjonar på bloggen.

Sør-Afrika

Vi fyrte i gang det nye året med ein skikkeleg storviltsafari. Ei veke med sol og varme og ville dyr, eksotiske dagar..... Sør-Afrika har uendeleg masse å by på. Kun ein liten flik av dette fekk vi opplevd, men det var likevel nok eil å fylle oss med inntrykk og opplevingar. Eit bloggeinnlegg får berre fram ein liten flik igjen av det vi fekk oppleve. Nokre bilder følger, men lydar, stemning, lukt og følelsar, -det må opplevast......

Velkomstdrink ved lodgen vår, Hojo Hojo, Mathias i front.

Ole Ragnar ein smule skjelven, i ein open safarijeep ganske nært løvene!

Løvefar stenger veien.... Ikkje så masse å gjere med slikt!

Familien Zebra var òg ute på tur! Pass opp for løven!

Et skikkelig stilig toalett midt i Krüger nasjonalpark!

Nydelige fjell!!

En sliiiten safariturist. Ein dag var vi oppe 06.00... Dei andre var det opp og hopp kl 05.00. Ein av vaktane kom luskande, stilte seg utanfo teltet og ropte "Good morning! Wake up-call!" Når vi var på beina såg vi kanskje nokre antiloper beitande utanfor teltet eller apekattar sprettande rundt i tretoppane. Ikkje før til frukosten kom elefanten traskande rundt i nabolaget....

Slik runda vi av kveldane. Herlig mat i godt lag! Impalakjøttet var kanskje høgdepunktet på matfronten. Nammm.....

Kanskje får vi mulighet til å oppleveve meir av dette fantastiske landet ein gong....?

God jul!

Eg må få ønske alle ei riktig god jul og eit godt nytt år!
Følte det var på tide å meddele at den andre av dei to eksamenane også er unnagjort. Det vart juleferie i år og!

I dag for Frekhauggjengen heim att etter to dagar på Bildøy. I natt var vi 14 stk under same taket her. Det var fullt rundt bordet, men utrulig god stemning og mykje liv og leven! Koselig!

Dette er siste jula her på Bildøy. Om nokre månader flytter mamma og pappa tilbake til Frekhaug og det blir nok både kjempekjekt og praktisk for heile familien vil eg tru. Men enno skal vi nyte nokre juledagar her i fred og ro. Snøen ligg endå, sjølv om temperaturane har stege litt. Stemninga er god. Julefreden er herleg!

Ein av to unnagjort

No har eg levert eksamensmappa i historie. 15 min før innleveringsmappa stengde fekke eg telefon frå høgskulen i Volda. Då blei eg litt engstelig! Men emneansvarleg hadde sett at innleveringsmappa mi enno var tom, så ho ringte like godt for å forsikre seg om at eg ikkje hadde gløymt det heile. Stilig? Så eg e ferdig med 60stp og godt fornøyd med at det e gjort! Eg har ingen planar om å stryke.

(takk til Japan som eg har hatt den glede av å få skrive sluttoppgåve om)

Hurra=) No feirar eg med å IKKJE gå på forelesning i idrettspsykologi og barns motoriske utvikling. Den eksamenen får komma når den kjem. Alt har si tid, står det så fint i Bibelen, og det e så sant så sant......
Herlig. Trur rett og slett at eg drar heim og lagar middag.

Mot adventstid

Mørketida har komt til Bodø. Dagane blir kortare og kortare. Enno lar snøen vente på seg. Vi ventar tålmodig.....

Samtidig er det hektiske dagar. Innspurten på skulen med eksamenar og oppgåver tar det meste av tida. I går var det siste skriftlege eksamen i historie som vart gjennomført. I dag feira eg at den var unnagjort, med eit par timar på jobb på Bok og Media. Vindusutstillingane er no så godt som klare før julerushet starta. Det vart ganske bra om eg skal sei det sjøl..

Men vi prøver å kose oss litt, ektaparet Norheim Jenssen, innimellom. No står kaffimaskina og varmar seg så får vi sjå ka den byr på etter kvart. Vi har vore i lag i to år i dag!

Lisabon

Å, det e godt å vera på ferie i varmare strøk mens nettavisene melder om at snøen har meld sin første og lettere kaotiske entré i Bodø. Her kan vi derimot tasse rundt i slippers og shorts, sitte på fortauskafé og drikke kaffi, besøke antikvitetshandlere, slappe av og lade opp batteriene, you name it..... Det e så enormt masse å oppleve her, vi e allerede fulle av intrykk og turen e såvidt begynt=) Joho!
Vi ses folkens!