Torsdag sette vi kursen mot hytta, via Ljøsenhammaren og Nydalsheia. Sola sto høgt på himmelen då vi la i veg, og det gjer den jammen enno. Mangt eit fiskevatn vart prøvd på turen, dog med vekslande hell. Men med sekken full av godsaker gjorde ikkje dette dei store utslaga på trivselsskalaen. Når ein har telt å søke tilflukt i når kveldståka sig innover fjellet, ein god sovepose, og ikkje minst det beste selskap ein kan ønske seg vart turen uansett vellukka!
Ei nydeleg utgåve av Bergfrue som vi fekk sjå mange av på turen. Saman med Røsslyng er dette Noregs nasjonalblomst! Utruleg flott!
Etter to dagar med vandring i nydeleg fjellandskap ankom vi hytta. Dette er kanskje den mest trivelege plassen eg veit om og her står alltid avkobling i høgsetet. Her er det godt å vere!
Turen var lang og vandringa tæra tidvis på føtter og krefter. Likevel vil den oppsamla energien etter nydelege dagar i Guds frie natur vere sterk og god å ha med seg i kvardagen som no nærmar seg.
2 comments:
Høres flott ut med den fjelltur i finvær! Nå gleder jeg meg til å bli ferdig på jobb og komme opp igjen til Bodø! =)
Høres flott ut med den fjelltur i finvær! Nå gleder jeg meg til å bli ferdig på jobb og komme opp igjen til Bodø! =)
Post a Comment